الثلاثاء، 11 نوفمبر 2008

بنت الجامعة

Uودنك لحظة يابنت الجامعة ............بس ياريتك صاحية وسامعة .
هى نصيحة وقلبى عليكى ............عايزك تبقى النور والشمعة .
خارجة الصبح ولابسة المموضة .........عاملة ف نفسك أجمل زينة
رايحة تتمى هناك تعليمك ..............ولاحاتقفى فى الفترينة ؟
لية بتزدى النار الوالعه ............... بس ياريتك صاحية وسامعه
لابس ملابس عيب اوصفها ............عيب اتكلم كلمة عليها
حاجة بكتشف مش بتغطى ............والطلاب زغللتى عينها
والاصباغ على وشك فاقعة .......بس ياريتك صاحية وسامعه
عاملة زى بتوع السيما ................هم المثل الاعلى بتوعك
,والتيار لويعصف بيكى..............مش حاتفيد يابنتى دموعك
ولا حتطفى نارك دمعه .............بس ياريتك صاحية وسامعه
هو العلم مالهش قداسة .............ولا الجامعة دى ارض ملاهى
ولاتهتمى بحد يقولك ...............اى اوامر ولا نواهى
هايفة وكل امورك مايعة ..........بس ياريتك صاحية وسامعة
قلنا كبرتى ورحتى الجامعه ......... يبقى ده فهمك للحرية ؟؟
تبنى ازاى مستقبل بلدك ........... وانتى هشة ومش مبنية
نازلة بتهوى بغاية السرعة ...........بس ياريتك صاحية وسامعه
اللى بيشغل بالك موضة ............طالعه جديدة بتجرى وراها
ولا رواية شد عواطفك ............ تقضى الليل سهرانه معاها
بين ده وبين ده حياتك ضايعة ..............بس ياريتك صاحية وسامعه
عايزك تبقى النور الهادى..................اللى بينع من اسلامنا
عايزك تبقى الشمعه القايده ............اللى تنور كل حياتنا
عايزك تبقى الاسرة النافعة ..............بس ياريتك صاحية وسامعه
عايز يبقى جمالك جوة ..................نفسك __ روحك هم الاولى
ابيض واحمر ولا بروكة .............كل ده اية حايفيد الدولة
روحك هى الشمس الساطعة ...........بس ياريتك صاحية وسامعه .