الثلاثاء، 29 سبتمبر 2009

رســــــــاله الى شـــــــــــــــــعب مصر .


من حسني مبارك .. إلى شعب مصر ياشعبي حبيبي ياروحي يابيبي ياحاطك في جيبي يابن الحلالياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعشت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك وأذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال..

الأحد، 6 سبتمبر 2009

جاءنى البيان التالى من مدونة الاصلاحيين بكفرالدوار




لقد تم تجديد 15 يوما حبسا للاخوة المتعقلين من الاخوان المسلمين بكفرالدوار ومدونتنا مدونة ع نوتة تتابع هذه الاحداث وايضا مدونة ( الحرية للاصلاحيين بكفرالدوار ) وقد حضر فى المحكمة عدد كبير جدا من الاهالى والمحبيبن للاخوان نقول لهم انتم رجال مصـــــــر
الحرية للشرفاء ....الحرية للشرفاء .....الحرية للشرفاء ......الحرية للشرفاء ..........الحرية للشرفاء


الأربعاء، 2 سبتمبر 2009

الحرية لمتعقلى الاخوان بكفرالدوار

فى اول ليلة فى رمضان جاءت سيارتين من سيارات الامن واخذ 15 واحد من اكبر قيادات االاخوان من كفرالدوار واخذوهم من وسط اطفالهم لماذا اخذوهم هههههه علشان انهم جماعة (محظورة ) ....وقد منع الظابط محمد نجم الفطار عندهم وافطارهم الساعة العاشرة مساءا بعد الم ومشقة حسبنا الله ونعم الوكيل والاسماء المعتقلة (أ/ مصطفى سليمان ..سامى عبدالمحسن ....ياسر عبدالرافع ......يحيى حجازى ....وغيرهم ) فنرجو الدعاء لهم بالثبات والحرية
الحــــــــــــــــــــــــــــــــــــــــرية للشرفـــــــاء كفرالدوار .